Muraaqba Meditation Kiya Hai

Muraaqba Kiya Hai?

Muraaqba Aik Aisi Mashq Hai, Jis Ke Zariye Insan ke Jisam men Noor E Elaahi ko Jazb kiya Jata hai. Lekin is men Jisam ko Sakatt (Yaani Pur Sakoon) Rakhna Shart Hai.

Muraqba Meditation
Muraqba Meditation

Muraaqba Karne Ka Tareeqa?

Sab se pehle kisi aisi jagah ya waqt ka entikhaab kreen, Jahaan Apko Koi Disturb na kar ske. (Behtarr ye hai keh Raat ke waqt Muraaqba Kiya Jaye.)

  • Sab se pehle sukoon se baith jayeen. Apne Pathoon ko Dheela Chorr Deen. Koshish kareen keh aap ke Zahen men Maazi aur Mustaqbil ki socheen na aa sakeen.
  • Teen Martaba Thandi Saansain lain. Aur Aankheen band kar deen.
  • Jisam Ko Mukammal Sakit (Pur Sakoon) kar deen. Warna Tasalsull toot jaye ga.
  • Ab kisi bhi Aawaaz par focus kreen. chahe wo gharri ki TikTik ho ya Dil ki Dharrkan.
  • Allah ke Sifaati Namoon ko Yaad kareen. Aur Dil he Dil men uska Zikar karte Raheen.

Ab aap Muraaqbe men acchi tarah daakhil ho chuke hain. Ab aapko mehsoos ho raha hoga keh ap ki Rooh aap ka Baatin Bahutt Halka Phullka ho gaya hai.

Aisa is liye Mehsoos hoga kiyoon keh ap ke andar maojood Nagativr Energies Ahista Ahista Khaarij ho rahi hain. Aur Noor E Elaahi apke andarr utar raha hai.

Muraaqba ke Daoraan apka Mind Alpha State of Mind men chala jata hai.

Muraaqbe ke Daoraan jis jis Insan ne apko Takleef Pahunchayi ya Dukh diya. Aap un sab logoon se Mukhaatib ho kar unheen Rabb ki Raza ki khaatir Muaaf kar sakte hain.

Muraaqbe Ke Faide

  • Insaan ke Andar Aik Jahaan Aabaad hai. Magar Roz Marra ke kamoon aur Uljhanoon ke Baais hum apni andar ki Duniya ko Mehsoos Nahi Kar paate.
  • Muraaqbe ke zariye hum apni andar ki duniya ko mehsoos karte hain.
  • Rab e Kainaat ki Qudratoon par Ghaor o Fikar kar sakte hain.
    Chatti Hiss Mazboot hoti hai.
  • Wajdaani Quwwatain Milti hain.
  • Jisam ke Andar Maojood Lataaif Active hote hain.

Gharz ke Faaide he faaide hain.

Muraaqba Kiyoon Kiya Jata hai?

Meditation Muraqba
Meditation Muraqba

Muraaqba asal men apne aap se aur apni Rooh se Milne ka aik Zariya hai. Shuru ke dinoon men apko socheen tang kar sakti hain. Magar aap ne in sochoon ko ignore karna hai. Jab aap ki Rooh ko is Mashq ki aadat lagg jaye gi, tab aap is mashq se luft andoz hoonge. Phir Baaqi Masroofiyaat ke Bawajood bhi aap Muraaqbe ke liye asaani se waqt nikaal payeenge.

Muraaqba Hafte men 2 se 3 baar karna chahiye. Daoraan e Muraaqba Waqt ki koi Qaid nahi. aap apni marzi se jitna chahin waqt nikaal sakte hain. Muraaqbe ke daoraan aap pur sakoon ho jaate hain. phir aap ko neend bhi acchi aati hai. Aur Ghussa aur Chirr Charra Pann jaisi Manfi batoon se aap door hone lagte hain. Jaisa ke hum ne ooper bataya keh Muraaqbe se aap ke andar ki Nagatibe Energies Khatamm hoti hain. Aur Noor E Elaahi ki Barkat ke aap apne andar Positive Energies haasil karte hain.